X
تبلیغات
مداحی و مرثیه سرایی ترکی - مجموعه اشعار امام زمان (عج)

مداحی و مرثیه سرایی ترکی

معرفی مداحان و شعرای آذری

حضرت امام زمان (عج)

 با مقدمه و گریز به قتلگاه امام حسین (ع)اثر آقای هادی

عاقلا فکر ایت   مطّول  خلقت  یزدانیده

خیر و شّرون گور ئوزون آئینه وجدانیده

 

نعمت  الوان  گوناگون  سنه ایجاد ایدوب

کوه  و  دشت و باغ ،گلزار و گل بستانیده

چشمه سارون جوششی هم سبزارون رویشی

عمده  بیر  نعمتدیلر  انسانه  هر  دورانیده

نیلگون  دریالرون  پهناسینون  معناسی وار

سنله  صحبت  ایلیور  آرامش و طوفانیده

سیری  سرگردان  بلوطلار آسمان پیمادیلار

تا  که  اولسونلار  مر  بارش  بارانیده

بارش باران نزول رحمت رحمانیدور

مادر پیر طبیعت گل آچا دامانیده

غنچه نون دیلسیز اوشاق تک لبلرینده سوز یاتوب

سّر سبحان الّذی وار لالۀ خندانیده

گللرین هر  برگی بیر قرآندی گویا عارفه

یعنی سوز وار هم گولین برگینده هم قرآنیده

گللرین شهدین چکور زنبور عسل تولید ایدور

چکمگه سوز شهدین اما یوخ چیخار انسانیده

بحر علم الله قرآندان بشر آلمور کمک

صرف ایدور  عمر گران قدرین ره خسرانیده

عالما قرآنه باخ غرق اولما غربین علمینه

فکروی پروازیدن  ساخلار قویار زندانیده

غرب ئوزی قرآنیدن الهام آلوب چاتدی بورا

سن  اسیر  اولما  کمند  سلطۀ  شیطانیده

آچ همای فکروی یوروقون قنادین بندیدن

ئوز توانون قدری سیر ایت سیرۀ سبحانیده

شرق و غرب و کُل عالم موریدن کمتر اولار

مختصر اندیشه ایتسون منطق یزدانیده

گوندریوب قانون قرآنه نچه آموزگار

تا بشر واقع  اولا  ارشادیلن غفرانیده

کَج گیدن کس رأفت اسلامیدن بهره آلوب

دامن دینه قیتسون فرصت جبرانیده

قانیلن  قرآنی  احیا  ایلیوبدور  اهل بیت

صدر  اعلایه  چاتوبلار  نشر الرحمانیده

ئوزلرین  طوفان  طغیانه  گرفتار ایلیوب

منجی  انسان اولوبلار  قورخولی طوفانیدن

چون  امامه حال  مرگیلن حیاطین فرقی یوخ

هاردا  شیعه  سسلنوب  حاضردیلر  بیر آنیده

قوتاروب  دنیاده  مأموریتن اون بیر امام

اون ایکمینجی امام عمر ایلیور پنهانیده

سایۀ لطفی همیشه اهل اسلام اوسته دی

سسلروک آدین اورکدن لحظۀ بحرانیده

سامرا شهرینده دنیایه گوز آچدی بو امام

سامرا  نوره  بوروندی  نیمۀ  شعبانیده

سینۀ نرجس اولوبدور شرق روی آفتاب

ویردی  مأوا آفتابه مغرب دامانیده

بو گُل نرجس یارانجاق قصد قتل ایتمیشدیلر

واقع اولموشدی بو زهرانون گُلی عداونیده

تحت ظّل عسگریده گون بگون رشد ایلیوب

چاتدی بش سنّه ولیکن خلقیدن کتمانیده

شربت  شهـد  شهـادتلن  امـام عسگری

ویردی جان سُکنا ایدوبدور جنّت جانانیده

جسمینه اولدی کفن تشییع ایدوب دفن ایتدیلر

اهل  بیتی  یاس  دوتوبلار  خانۀ  خوبانیده

اهل دل درک ایلدی هانسی سوزی فاش ایتمدیم

ایلدیم  زینب  کیمی  پنهان  دل  لرزانیده

گون عزادار اولدی ،آی غمگین ، بلوطلار آغلادی

گورسنوب  آثار  محنت  عالم  امکانیده

نظم عالم  چون  امامیله  منظم  ساخلانور

آخرین  دانه  یر  آلدی  شدۀ  مرجانیده

مصدر حقدن  چاتوب  حکم امامت مهدیه

بش  یاشندا  اگلشوبدور  مسند  سلطانیده

غم دوتان یوزلر گُل آچدی جنتّین گلزاری تک

روح  قرآن  واقع  اولدی  علّم  القرآنیده

آخرین مأمور یزدان حکم آلوب اولدی امام

رکن  خلقت  ساکن  اولدی  اکمل  ارکانیده

قان نجه دائم گرگ پیکرده جریان ایلسون

جسم  عالمده امام اول قاندی که شریانیده

اولماسا  عصرین  امامی ذی حیات اولماز بشر

سایۀ  لطفی  گرگ  اولسون  سَرِ دورانیده

غیبت طغراسی  باشلاندی او گوندن یتمش ایل

طالع اولدی باتدی فوراً گون کیمی بیر آنیده

غیبت کبراسی امّا  محنت  عظما  اولوب

شیعه لر   آغلار  قالوبلار   تهمت  نادانیده

سالِ اوچ یوز یرمی دوقوزدان بو غیبت  باشلانوب

انتظار آثاری  قالمش  دیدۀ  گریانیده

شیعه لر آغلار گوزین تیکمش گجه گوندوز یولا

ساخلیوبلار  یر  گوز  اوسته  هم  دل القانیده

مهدی یا مهدی آدی دیللرده واردور روز و شب

نوحه آهنگینـده  گاهی  ناله  و افغانیده

گاه  قرآن و دعا و ذکر لرده  سسلروک

گه بُکا  و  گه نَوا  و  گاه خوش الحانیده

بلمروک الآن بقیع  یا کربلاده آغلیور

یا گزور شیعـه محالین کشـور ایرانیده

بلمروک محراب مسجدلرده یا هیئت ده دی

باش باشا ویرمیش و یا ایتامیله ویرانیده

نایبان خاص یتمش ئیلده اولدی دورت نفر

بو معّین  شخصلر  اولدی  بو  شهدن  با  خبر

اوّلی سعداوغلی عثمانیدی  نایب حضرته

حضرتین  فرمایشاتین  او  دیردی  امته

دومین  نایب  محمد ابن عثمان ذکریدور

خلق آرا اعمالی  چوخ  با منطق و خوش فکریدور

سومین  نایب که مأموریتی  چوخ  سختیدور

روح نوبخت اوغلیدور آدی حسن ، خوش بختیدور

چارمین  شخصیکه  خاصه نایبیندن دور بیری

ثبت اولوب آدی علی بن محمد سیمیری

انتظارین گلشن  دللرده  هرگز  سولمیوب

آخرین  نایب  یرینده جانشینی اولمیوب

محرمیت  بیزده  یوخ  غایبدی  فخر روزگار

شیعه لر گُوزلَر ، قالوب گوزلر یولوندا انتظار

جان فدا اولسون  بو دینون  شاه عالم گردینه

هامیدان  چوخ  گوزلری آغلار حسینون دردینه

گوزلری  یاشلی دیر جَّدا سنه  دل داغلارام

گوز یاشیم گوزدن  قوتارسا روز و شب قان آغلارام

یاده سالام سعدین اوغلی ویردی فرمان لشگره

کربلاده سو یولی سّد اولدی آل حیدره

یاده سالام  کوفیان  بی ادب کافرسیر

اولدولار که  اوستوه  مور و ملخ  تک حمله ور

معرفت  سر حّد  مرزین  ظلمیلن سندیردیلار

بوسه گاه حیدره نیزیله یاره ویردلار

یاد ایدوب اول وقتوی قلبیم دوشر غم چاهوه

گلدی بی صاحب آتون میدانیدن خرگاهوه

ذوالجناحی گورجگین بیکس لرون آغلاشدیلار

ذوالجناحه ساری اللّر باشدا یکسر قاشدیلار

با زبان  بی زبانی  ایلدی  داد وانین

عترت  پیغمبره  اعلام ایدوب ئولدی حسین

ذوالجناحین آلدیلار  دورین  بنات دیده تر

گوردیلر  قانه  باتوبدور واژگون اولمش اَیَر

ساشلارین رسم  عزائیله  پریشان  ایتدیلر

نا امیدانه  دوتوب یوز عرشه افغان ایتدیلر

جامۀ امید  دلدن  آل عصمت  سویدولار

پاپیاده کربلا  میدانینه  یوز قویدولار

کوفه نون ارذللری  ذاتاً  عجب  ناکسدیلر

ویرمیوب  سو  باشوی ظلمیله عطشان کسدیلر

ئولجک  عباسون جفا و ظلمه فرصت تاپدیلار

سینون اوسته شام و کوفه لشگری آت چاپدیلار

یاده سالام اول زمانون عترتون اولدی اسیر

عصمت اللهین قیزین ارذللر ایتدی دستگیر

بی ادب لر حرمت آل اللهی سندیردیلار

ناز پرور قیزلاری قمچیلریلن ویردیلار

قیزلاری محمللره  میندیردیلر  دلده نوا

کربلا تک آغلادی آل اللهه ارض و سما

دیل دیور ،گوز آغلیور ،اظهار ایدنده غملری

ناقه لر اوسته گون آلتدا یاندی یوزلرده دَرَی

دوشدیلر بیر حاله یوللاردا ، سُوَزن اولدوزلارون

رنگ وسیمادن تانینموردی حیالی قیزلارون

شهریدن شهره بیابانلاردا ویلان اولدولار

شاخه سیندن آیریلان گللّر سولان تک سولدولار 

من صاحب عصرم گجه گوندوز گوزوم آغلار

درده   دوزرم   صبریمـه   حتی  دوزوم آغلار

گوزیاشیم  آخار  جدیم  حسین  یاده دوشنده

گوز یاشیمه قلبیمده کی گزلین  سوزوم آغلار

قطعه شعر شعبانیه

دولدوربدور  عالمی  عشق  ولایت نغمه سی

نغمه لر  نشر   ایلیوللـر   آسمـانی   بیر سسی

سسلیور گوگده  منادی  ای  ولایت  پیشه لر

طالع اولدی عالمه اوچ گونده اوچ گون جلوه سی

سرود ولادت امام زمان (عج)اثر آقای هادی

ای بنـد   قلب  زهرا         وی  فخر  آل طاها

  قویدون قدم جهانه         نوره  بوروندی  دنیا

مولا تولدون مبارک اولسون

 

 

 

ای عامـل  عدالت   زیبا  گل امامت

دیوان  معرفتـده  سر  مطلع  شرافت

علم عاشق حضورون علامه لر اسیرون

دنیای  تار   دینـه  نجم   شب  نجابت

مولا تولدون مبارک اولسون

داغلار گولی  گوزلدی زینتده گلشن اولماز

سنبلده چوخ صفا وار صورتده سوسن اولماز

دوتسا گوزل جهانی جنت کیمی سراسر

شیعه گوزینده والله هرگز بیری سن اولماز

مولا تولدون مبارک اولسون

سن سن نمازه زینت سن پاکی وضوسن

سن کعبۀ شعوره زوار سوبسوسن

حل و حرم حدودی خیف منا صفاسی

قرآنه سن بهاسن سن دینه آبروسن

مولا تولدون مبارک اولسون

 

اجسام  عالمینه  سن  جاودانه جانسان

انفاسه حکم رانسان  گوزدن ولی نهانسان

هر تار زلف  تارون  مین  جنته  مقابل

سوز  ناقص اولدی یوخ یوخ مجموعۀ جنانسان

مولا تولدون مبارک اولسون

 

صندوق پاک قلبون قرآن مصطفی دور

سّر  سرای  سینون  قانون  ما سوادور

گون گوزلرون گداسی آی حسنون نماسی

انوار شرق  رویون  منظرگه  خدا دور

مولا تولدون مبارک اولسون

 

چیخ ظاهره داریخدوق ای پادشاه کعبه

ظلمت  دوتوب  جهانی  وی  نور ماه کعبه

سن گوزلره ضیاسن گوزلر یورولدی دای گل

کعبه  سنی  گوزتلور  ای  قبله گاه  کعبه

مولا تولدون مبارک اولسون

 

گوزیاشلی گوزلروک یول آخشام چاقی چاتاندا

غمله دولار اورکلر مغربده گون باتاندا

بلمم نیه دعالر آخر قبوله چاتمور

قیلوق  دعا  ظهوره  بیگانه لر  یاتاندا

مولا تولدون مبارک اولسون

 

سرود ولادت حضرت ولی عصر (عج)اثر آقای هادی

 

ای اورگیم آچ گوزون  صاحب  دوران گلور

منجی  دین  اولماقا   ناشر  قرآن گلور

عیسی زهرادی  بو   محیی  المواتیدور

اسسه  نسیم  دمی  مرده لره  جان گلور

 

روح باغندا بو گل نازلی دی ریحانه دی

گورممش عالم بونون عشقینه دیوانه دی

شمع  شب  معـرفت  چهره  زیباسیدور

آگه   اولان   قلبلر   شمعینه  پروانه دی

 

سینیه باخ سینیه ،گور  نه گوزل  سینه دی

گردنه باخ قلبه باخ صافیدی بی کینه دی

قاشلاری  محرابیدور ، قبلـه  مقوس  قاشی

آئینــــــۀ   صــورتی  آللهـا  آئینـه دی

 

سالسا نظر داشلاری موم کیمی نرم ایدور

مشرق رخسارینه باخماقا گون شرم ایدور

مهـدی  زهرادی   بو  مهـر  سمای  ادب

گون اوزی بازاری بو آدیلان گرم ایدور

گورسه اگر  قامتین   سـرو  رسا قّد اگر

سرو   رساده  بیلـه  قّـد  رسا   وار   مگر

سنده  باخ  انصافیلن   باغ ادب  سروینه

قامتی یوخ ، بیر توکی جنته مین  یول دگر

 

دور  جمالنده  چوخ  عشقلی  پروانه وار

ظاهره چیخمور اوزی دورده بیگانه وار

محرم  ایله  قلبوی یار ایوینه محرم اول

سسله  ایشتسون  سسون نسبتی ایرانه وار

 

معصیتیلن  بـونـون  قلبنی   اینجتمیک

امرین اطاعت ایده آیری یولا گتمیک

فیض حضوره آچاق قلبیده بیر ذکریلن

غفلتلین  بو  شهی  پرده  نشین  ایتمیک

 

جمعـه لرین  گونلـری  یوللارینـا   سو سپک

سو  سپیلن  یوللاری  بلکه  آچا  گل چیچک

نیت   ایدک  جمعه لر  دلـده  خیال  عالمی

دامنی دور فرض ایدک پرچم پاکین اوپک

 

سرود ولادت امام زمان (عج)اثر آقای هادی

 

ای  گوزلریم  طاقت گتور  باخ یوللارا یارون گلور

ای دل یورولما غصه دن دوز درده دلدارون گلور

دوندرمه گوزیاشون سئله

یـار  عشقینـه  طاقت  ائله

گتمه  گوزوم   رویالره گوز تیک  نگارین راهینه

ایله  دعا  صبح  و  مسا   بو  عرش   عشقین  ماهینه

هجران آغارتدی باشلاری جاری ایدوب قان یاشلاری

مولا  دوشوب  یوسف کیمی ایللردی  هجران چاهینه

بیر گون بو ماهین فجری وار

دوز  منتظر  اول    اجری وار

دوزسون فراقه آی گوزوم بو ایش سنه تمرین اولار

بی صبر و تاب  عاشقلرین  سیمالری غمگین اولار

باخ یوللارا  یار عطرین  آل  ایله  تجسم  گوزلره

یورقونلق احساس ایلسون کیپریکلرون سنگین اولار

هجران غمی چوخ سختیدور

کیم تاب ایدوب خوشبختیدور

ای دل چالشما قوش کیمی عاشق مأب اول صبر ایله

پیک  ایلیوب  اوز  آهوی   قوش  گونده  یللردن یله

عرض  ایله  یابن فاطمـه  یـول  گوزلیـور  عاشقلرون

قویمـا  سـرای  صبـرینی   عاشقلـرون  ویرسون  سئله

گلسون اورکلر شاد اولار

دنیـا  یوزی  آباد  اولار

یابن الحسن کوکو  کیمی  من  روز و شب نالانوم

یول گوزلمک  یوردی منی تز گل داخی قربانوم

سن سیز  عدالت آغلیور  انصاف  اولوب خانه نشین

وجـدان  عـذاب   آلتندادی  مشتـاق  الرحمانوم

قرآنه گل امداد ایله

زندانیدور آزاد ایله

 

دیللر  همالر  بالی  تک   قید  جفایه  بسته دور

بیر گون بیزه امید اولان گور کیملره همدسته دور

سسلر  باتوبدور  سینه ده  مظلومه یوخ امداد ایدن

رحمی سالوبلار رسمیدن روحیه لر دای خسته دور

دیو  اگلشوب  دیوانیده

مظلوم  ایدوب  قرانیده

 

انسانیت  ماتم  دوتوب  بو درده وجدان آغلیور

حقی باتان  ایتام تک انصاف  اوزی  قان آغلیور

راهین آدیلان بعضی لر یولدان چیخوب چاهه دوشور

بو   غفلـته   بو  ذلتـه   حسرتلـه   قـرآن  آغلیور

سیمای دین باتمش غمه

دین   اگلشوبدور  ماتمه